Tula Tungkol sa Pulitika

 

Tula: Pulitika

              Bilang isang mamayanang Pilipino,

Kaunlara’y nais para sa bayan ko,

              Lipunang asam ay walang pagbabago,

             Parang sirang plakang hindi mapahinto,

 

Paulit-ulit na mga pangyayari,

Mga politiko na hindi mo mawari,

            Doble kara kung tawagin ng marami,

Masasabi kong pulitika’y kay rumi,

 

              Harap-harapan man ang katiwalian,

Hanggang kailan magbubulagbulagan? 

Mistulang sirko na ang pamahalaan,

             Ganito ba ang ating kinabukasan?